Skip to content

Free University of Bozen - Bolzano

Master de

Scienzes dla Formazion per l setour primar

Chest curs de stude a livel unich te cater lingac (tla Repartizion ladina: ladin, talian, todesch y ingleis) conduj te cinch agn al master y Ves abiliteia da laoré tles scoles elementares y tles scolines. Te Vosta vita profescionala portareise pro - dlongia la familia – te na maniera determinanta al svilup psicologich y cognitif di pici mutons y mutans.

text

L curs de stude é spartì su te trei Repartizions aldò dl lingaz d’ensegnament: chela todescia, chela taliana y chela ladina. La Repartizion é da chirì fora tl moment dla iscrizion.

L curs de stude é caraterisé da na impostazion scialdi pratica y da na assistenza otimala di studenc y studentes. Te de pici grups empara studenc y studentes te laboratori y ti EduSpaces (Laboratore didatich, Multilab y laboratore linguistich) da mete tla pratica i contegnus dl stude y da svilupé conzec pedagogich-didatics inovatifs.

Info en curt

Clas de master: LM-85 bis
Ponc CFU: 300
Dureda regolara dl stude: 5 agn
Lingac d’ensegnament: talian, todesch, ingleis (dutes les Repartizions) y ladin (Repartizion ladina)
Posć de stude: 250 tla Repartizion todescia, 80 tla Repartizion taliana, 18 tla Repartizion ladina
Campus: Persenon
Coutes universitares: 1347,50 € al ann

Strutura dl stude

Ti prums agn végnel metù i fondamenc ti ciamps dla pedagogia, dla psicologia, dla didatica y dla linguistica. Spo végnel les lezions che reverda la didatica dles materies sciche scienzes, matematica, storia o mujiga.

Na atenzion particolara ti végnel dé da enjigné ca i studenc y studentes a la realté linguistica y culturala tres plu eterogena dles scoles y scolines, a les carateristiches particolares dl Südtirol y ence a na interazion tres plu strenta con les families.

Lingac d’ensegnament:
Sezion todescia: todesch, talian (tla mesura de almanco 30 CFU), ingleis (tla mesura de almanco 15 CFU)
Sezion taliana: talian, todesch (tla mesura de almanco 30 CFU), ingleis (tla mesura de almanco 15 CFU)
Sezion ladina: todesch, talian, ladin y ingleis (tla mesura de almanco 15 CFU)

Prof Videsott unibz

Persones

Diretour dl curs (Sezion todescia): Prof. Michael Gaidoschik
Diretoura dl curs (Sezion taliana): Prof. Liliana Dozza
Diretour dl curs (Sezion ladina): Prof. Paul Videsott (foto)
Raprejentanta di studenc tl Consei dl curs: Francesca Saronni
Responsabla dl practicum: Genoveffa Ploner

Programs de barat y practicum

Al moment pitonse plu che 30 convenzions de barat con universités partner te dut l mond. Bele dal prum ann inant él prevedù practicums obligatori tla scolina y tla scola elementara (45 CFU).

Ciamps de laour poscibli

I laureés y les laureedes à acuisì de bones conescenzes ti setours spezialistics fondamentai per l laour pedagogich tla scolina y tla scola elementara, y ai é bogn de les dé inant tignon cont dl degré de scola, dl’eté y dla portegnenza culturala di mutons y dles mutans.

Ai à emparé da apliché sies competenzes te contesć didatics concrec y da mete a jì ativités educatives y lezions tl respet dla desvalivanza. Laprò ài svilupé ence les conescenzes y les competenzes per favorì la integrazion de persones con debujegns particolars.
Al é ence poscibel da studié inant te n Master de perfezionament o da fé n dotorat de enrescida.

Enjignés ca ben per l mond dl laour. Sun la plata internet de Almalaurea giateise dac statistics sun la contenteza di studenc con nosta Université y sun la situazion profescionala de nosc assolvenc y nostes assolventes.

VÀ A LA STATISTICA (PER TALIAN)

Highlights

Mock Assestment Test Day

Giornata di orientamento e preparazione

Campus Bressanone, 20 marzo 2019

Mock Assestment Test Day

Orientierungs- und Vorbereitungstag

Campus Brixen, 20. März 2019

studying at unibz

Studiare a unibz

Vivere in Alto Adige, alloggi, borse di studio, corsi singoli e altro.

Study at unibz Bachelor Master

Studieren an der unibz

Leben in Südtirol, Wohnen, Studienbeihilfen, Außerordentliche Studierende und mehr

Candidatures

Recuisic linguistics

I recuisic damanés per se scrive ite tla Repartizion ladina é:

  • Livel C1 te un n lingaz de ensegnament (talian, todesch o ladin), livel B1 te n secont lingaz de ensegnament, ladin livel minim B2 o
  • Livel B2 ti lingac de ensegnament (talian, todesch y ladin).

L ejam de maturité de na scola auta ladina ademplesc duc i recuisic d’azes linguistics. Sce i ne eis degun zertificat linguistich reconesciù, podeise dé ju n ejam de zertificazion linguistica aposta.

Per chi che à debujegn dl ejam de ladin B2 végnel pité doi termins:

Domandes per la 1a sescion (Early Bird):
18 de auril 2019, 16.00,  Campus Persenon, aula BX A1.25
da se scrive ite tl portal dles candidatures anter i 12.04.2019 (par talian: descrizione esame - modulo di iscrizione)

Domandes per la 2a sescion:
20 de jugn 2019, 16:00, Campus Persenon, aula BX A1.25
da se scrive ite tl portal dles candidatures anter i 14.06.2019 (par talian: descrizione esame - modulo di iscrizione)

Informazions per l ejam
Tla pert scrita mess i candidac y les candidates respone per ladin a 6 domandes che fej referiment a n test de basa talian o todesch (l lingaz de chest test de basa pò vegnì chirì fora). Sce an passa la pert scrita, él n ejam a ousc, olache i candidac y les candidates messarà respone, tres per ladin, a deplù domandes che reverda souraldut sies ambizions y interesc profescionai.

Domandes online

Early Bird: dai 1 de merz y i 26 de auril 2019
Candidatures tardives: dai 20 de mei ai 11 de messel 2019.


Prozediment de amiscion
Ejam de amiscion (proa scrita y a osc).

Ejam de amiscion
Early Bird:
8 de mei 2019
Candidatures tardives:
24 de messel 2019

Publicazion di resultac
Early Bird: ai 17 de mei 2019
Candidatures tardives: ai 30 de messel 2019.

Chilò giateise i termins per l reconesciment de ejams universitars bele fac.

Preiibel contatedenes al numer +390471012100 o tres chest formular.

GRADUATORA

Manifesto degli studi

Regulament (per talian)

DEPLÙ INFORMAZIONS SUN L’EJAM D’AMISCION (PER TALIAN)

Feedback / richiesta info