Argomenc dl curs
Ciara i singui modui dl curs.

Modalité de ensegnament
Referac, laurs de grup, presentaziun de material didatich y de sostëgn, proietaziun de unités didatiches.

Obietifs formatifs
- I studënc conësc les fondamëntes dl sistem de scritöra y ortografia - I studënc ciafa la conescënza di modei atuai de elaboraziun dl lingaz scrit y de acuisiziun dl lingaz scrit - I studënc é bugn da apliché les metodes y la didatica dl lingaz scrit tl setur primar (ince por ci che reverda l'alfabetisaziun plurilinguala). - Ai conësc les fondamëntes dl imparé da scrí (cosciënza fonologica, svilup dl lessich, svilup general dl lingaz, svilup cognitif extra-linguistich) y les modalités de sostëgn - Ai conësc l'ezeologia y i sintoms dla dislessia y dles dificoltés ortografiches/de letöra - Ai conësc metodes por reconësce y promöie la cosciënza fonologica y é bogn da les apliché - Ai conësc metodes por reconësce y promöie le svilup dl lingaz scrit - Ai conësc metodes adatades por insigné la gramatica. Resultac y competënzes aspetades: Conescënza y comprenjiun - Conescënza dl sistem de scritöra dl ladin, todësch y talian a confrunt - Conescënza dl sistem fonologich dl ladin, todësch y talian y de conzec fonologics importanc che reverda le sistem de scritöra - Conescënza di prozesc cognitifs che vëgn tuc ite tl imparé le lingaz scrit - Conescënza di modei cognitifs por l'acuisiziun dl lingaz scrit - Conescënza y reflesciun sön les metodes didatiches dl lingaz scrit - Conescënza di fondamënc dl'acuisiziun dl lingaz scrit - Conescënza dles metodes didatiches por la scritöra, la letöra, la conescënza fonologica, l'ortografia, la comprenjiun dl lingaz - Conescënza dles prozedöres diagnostiches ti ciamps dla letöra, dla scritöra y dla conescënza fonologica y süa aplicaziun - Conescënza dles mosöres de sostëgn linguistich por la conescënza fonologica, l'acuisiziun dl lingaz scrit, l'ortografia y la comprenjiun dl lingaz tla scora primara y dla scolina - Conescënza dles metodes por l’alfabetisaziun plurilinguala Apliché le savëi y la comprenjiun - Apliché y refleté sura les competënzes spezifiches y i contignüs didatich-metodologics tratan les eserzitaziuns - Lié i contignüs cun l'esperiënza pratica (tl practicum) - Strategies de sostëgn por les dificoltés da imparé da lí y da scrí Valuté - Valuté criticamënter y adoré te na manira significativa les metodes didatiches - Refleté sön l’adoranza de prozedimënc de screening por valuté les fondamëntes dl'acuisiziun linguistica tla scolina - Refleté sön l’adoranza de metodes desvalies aladô dles capazités y i bojëgns individuai por l'acuisiziun de competënzes tl’alfabetisaziun - Refleté sön l'adoranza de metodes desvalies aladô dles capazités y i bojëgns individuai por l'acuisiziun dles capazités y i bojëgns - Refleté sön l'adoranza de metodes desvalies aladô dles capazités y i bojëgns individuai por l'acuisiziun de competënzes tl’alfabetisaziun. - Adoranza reflessiva di stromënc de sostëgn te deplü situaziuns de bojëgn y tl cheder dles poscibilités normatives tla scora primara - Reconësce i bojëgns desvalies di mituns y dles mitans por ci che reverda l'insegnamënt inclusif (desturbs dl imparé, desturbs spezifics dl aprendimënt, etc.) - Reconësce i bojëgns desvalies di mituns y dles mitans en previjiun de n plurilinguism esistënt. Comunicaziun - adoré la terminologia spezifica te n ambiënt profescional - da tó dezijiuns strategiches y les comuniché te na manira adatada ai scolari - iustifiché y comuniché les mosöres de sostëgn por l'acuisiziun dles competënzes de basa y dl lingaz scrit (pröm, secundo lingaz y lingaz forest). Strategies d'imparé - colié la conescënza academica di sistems de scritöra y fonologics y dles regoles gramaticales cun la conescënza di prozesc d'acuisiziun y dles metodes didatiches/diagnostiches.

Sort de ejam
LEZIUNS: didatica dl imparé da lí y scrí y Aprofondimënt dl lingaz y dl'ortografia: Ejam a usc sön le contignü dles döes leziuns. LABORATORI: prosodia, fonetica y cosciënza fonologica (LAB) y Alfabetisaziun plurilinguala(LAB): Laur a ciasa: planificaziun scrita y reflesciun sön na unité didatica. (La data gnará anunziada sön OLE al mëteman dl semester).

Criters de valutazion
Criters de valutaziun dl ejam a usc y di laurs a ciasa: - Interpretaziun avisa di contignüs - Completëza di contignüs cun na presentaziun linguistica coerënta y omogenea - Aprofondimënt y reflesciun - Tlerëza dl'argomentaziun - Conscidraziun dl sistem scolastich plurilingual ladin - Partezipaziun I resultac dl ejam a usc y di compic scric vëgn pesá aladô di credic ECTS di singui cursc y vá adöm tla valutaziun globala. Sce la valutaziun dl modul é negativa, gnará les perts valutades positivamënter impó cumpedades tl caje de n proscim tentatif de ejam. Al vëgn indere recordé che ince te chësc caje vëgn na valutaziun negativa cumpedada tl numer de tentatifs de ejam. Aladô dl regolamënt di ejams, trëi tentatifs zënza suzes comporta la sospenjiun por trëi sesciuns d'ejam (ciara ince l'art. 6, paragraf 4, dl regolamënt di ejams).