Dall’aula al palcoscenico. Le future insegnanti inscenano il teatro musicale
Nel foyer del campus di Bressanone una nuova serie di spettacoli di teatro musicale per bambini. Quattro rappresentazioni dal 12 al 23 maggio.
Facolté de Scienzes dla Formazion
Te nosta facolté ensegna al moment 32 professours y 39 enrescidours. Nosc plu che 1600 studenc à a desposizion condizions de stude ideales: l raport con i dozenc é diret y costant y les infrastrutures didatiches tl campus da Persenon é ezelentes.
Text
Danter l auter él da garat: na biblioteca dret rica, n servisc ICT otimal y i laboratori EduSpaces che ti pieta ai studenc n grumon de poscibeltés per integré sies competenzes teoriches de pedagogia y de didatica con aspec pratics per se enjigné ca l miec a les desfides de sia profescion.
Di EduSpaces fej pert:
- Laboratore didatich
- Multi Lab
- CESLab
- Zenter per la Enrescida y la Documentazion sun la Storia dla Educazion tl Südtirol (ZED)
Dlongia i EduSpaces à la Facolté ence metù su n Zenter de Scritura academica, olache i studenc giata aiut y conseis per scrive tesć academics ti lingac todesch, talian y ingleis. Ence per l lingaz ladin végnel pité cursc aposta.
La cualité de nosc cursc de laurea se baseia sun l liam strent danter enrescida, didatica y pratica, y vegn ence garantida da na rei ampla de colaborazions che i on con les Istituzions che laora ti setours dla istruzion y dla formazion, dla comunicazion y dla cultura y di servisc soziai, sozio-educatifs y sozio-assistenziai dl raion dla Provinzia y dla Region.
Na particolarité de nosta Facolté é la catedra de Ladinistica, metuda su tl 2006, y la Sezion ladina, che enjigna ca i maestri y les maestres dles scolines y dles scoles dles valedes ladines y che fej na ativité sistematica de enrescida soura l lingaz y la cultura ladina.
News
“Lavoro sociale e potere”. Il convegno a Bressanone
Il lavoro sociale può contribuire a rafforzare la democrazia? È questo l’interrogativo centrale del convegno “Lavoro sociale e potere” in programma il 7 maggio nel campus di Bressanone.
Wer prägt den urbanen Raum? Tagung zu Rolle von Studierenden in der Stadt
Universitätsstädte sind Experimentierorte für neue Formen der Demokratie. Am 4. und 5. Mai widmet sich eine Tagung am Campus Bozen den Beziehungen zwischen Studierenden und ihrer Stadt.
Oferta formativa
Enrescida
La enrescida tla facolté vegn fata souraldut te 7 macro-arees:
- Educazion Permanenta - Prozesc y Projec educatifs y de svilup, con n focus sun l Südtirol;
- IN-IN-Education: INnovative and INclusive Education – Didatica inovativa y inclusiva;
- Psicologia y promozion dl benester ti contesć educatifs;
- Lingac y plurilinguism tl Südtirol;
- Esperienzes y lingac estetics;
- Setours formatifs, materies y sia didatica tla scola;
- Dinamiches sozio-culturales: istituzions, welfare, profescions soziales, ambient y popolazion.
Tematiches-clé dla enrescida é perchel cheles che reverda la educazion tla familia y ti prums degrés de scola, l profil profescional dl ensegnant tl cheder plu gran dla educazion permanenta, y lapró argomenc sciche les relazions danter les generazions, l svilup de comunités, les dinamiches soziales y culturales en relazion a les desfides dla desparité soziala, l svilup eco-sozial, y samben l gran setour trasversal dla didatica di lingac y dles competenzes linguistiches te contesć multilinguai.
Persones
Degana: Prof. Antonella Brighi (foto)
Vizedegan per la Didatica: Prof. Reinhard Tschiesner
Vizedegan per la Enrescida: Prof. Attilio Carraro
Responsabla dl secretariat dla Facolté: Francesca Martorelli
Reprejentanc dles Studentes y di Studenc tl Consei de Facolté: Elisa Laforgia, Nicol Ellecosta
Colaborazions
unibz é colieda con universités de prestije tla Talia y foradecà per svilupé projec de enrescida y programs de ensegnament, y con l mond dl laour per mete a jì i practicums per nosc studenc.
A livel local él na rei dret strenta de colaborazions, souraldut con les trei Intendenzes scolastiches taliana, todescia y ladina y les Scoles dl teritore dla Provinzia Autonoma de Bulsan, l Departiment dla conescenza y les Scoles dla Provinzia Autonoma de Trent, y la rei di Museums, Biblioteches, Mediateches y Assoziazions culturales dla Euregio.