Argomenc dl curs
- les competënzes dl maester/dla maestra - programaziun y valutaziun - strategies didatiches - inclujiun - stromënc de osservaziun - stromënc de documentaziun y reflesciun (portfolio) - plann de svilup personal y profescional - documënc normatifs nazionai y provinziai

Cursc propedeutics
ciara regolamënt

Modalité de ensegnament
La didatica é caraterisada da ativités che vëiga le studënt/la studënta sciöche protagonist atif/protagonista ativa dl percurs. Tres: brainstorming, discusciuns, eserzitaziuns pratiches, analisesvideo, analises de caji, cooperative learning, reflesciuns individuales/te grups, referac cun le suport de media, consulënzes individuales.

Obietifs formatifs
Le practicum dl terz ann de stüde é n percurs olache al vëgn costruí conescënzes y competënzes tl ambiënt profescional, en referimënt • ala porsona (le studënt/la studënta) che conësc te na manira tres plü sota l’ambiënt de aprendimënt y sü aturs y che surantol responsabilité personala tl ambiënt instës tres sües aziuns • ales interaziuns danter les porsones tl ambiënt (maestri y maestres, mituns y mitans, geniturs, esperc y espertes y i.i.) • ales dimenjiuns spezifiches dla profesciun da maester/maestra cun la poscibilité da sperimenté les competënzes personales. L practicum dl terz ann é n percurs caraterisé da osservaziun y ativité didatica, cun l’azënt sön les competënzes pratiches personales y chëres di maestri/dles maestres, tla prospetiva dla inclujiun, aladô dles Indicaziuns Europeiches (ciara profil dl maester inclusif/dla maestra inclusiva). Le fin é chël de osservé y analisé les pratiches espertes di maestri/dles maestres y de sperimenté ativamënter prozesc formatifs por ejaminé le livel dles competënzes personales. Le practicum pita l’ocajiun de lié les conescënzes teoriches cun les esperiënzes pratiches, portan pro al’autovalutaziun dles competënzes y al svilup dl profil profescional. Le stromënt prinzipal por colié les conescënzes (insegnamënc), la pratica (labors y percursc programá y realisá), les analises y les reflesciuns sön l’aziun didatica é le portfolio dl studënt/dla studënta, che conzed de ejaminé y atualisé tres indô le plann de svilup personal. Fins formatifs dl Practicum 3: • valuté y renforzé les motivaziuns personales y profescionales tres la aziun didatica te situaziuns reales • adoré le profil dles competënzes por osservé y analisé les pratiches profescionales personales y chëres de d’atri y les decliné te aziuns • mioré les abilités de osservaziun y autoosservaziun, tan inant che al é poscibl ince tres la tecnica dla analisa-video • sperimenté metodes de programaziun y valutaziun pian ia dala normativa provinziala y nazionala y se confronté cun d’atri (colegs y coleghes de stüde, tutor/a, …) - sperimenté pratiches y percursc didatics inclusifs • fá reflesciuns sön la pratica personala y di atri adoran le feedback y le barat profescional • adoré y colié les conescënzes teoriches costruides ti insegnamënc desvalis por fá reflesciuns sön la pratica • documenté tl portfolio y ajorné le percurs personal de formaziun ala profesciun y le colié cun le profil dles competënzes

Obietifs formatifs y competenzes da arjonje (informazions suplementares)
(I resultac de aprendimënt y les competënzes pretenüdes se referësc ai descriturs de Dublin) Conescënza y comprenjiun: - conescënza dla normativa istituzionala provinziala y nazionala - conescënza de n valgügn modei de programaziun che tol ite stromënc y tecniches inclusives - conescënza de n valgügn stromënc y tecniches de osservaziun y analisa/autoanalisa - conescënza de elemënc de continuité y spezifizité di dui scalins dla formaziun (scolina y scora primara) Capazité da apliché conescënza y comprenjiun: - aplicaziun de modei de programaziun de prozesc formatifs te situaziuns reales - aplicaziun de pratiches didatiches inclusives te situaziuns reales - aplicaziun de tecniches de osservaziun y de feedback tla analisa dla pratica (audio-video-registraziuns) - implementaziun dl portfolio cun la documentaziun dl percurs de practicum y l’ajornamënt dl plann de svilup personal y profescional Autonomia de iudize: - renforz dla capazité de valutaziun y ajornamënt dla identité profescionala personala - renforz dla capazité da comuniché y motivé la vijiun pedagogica personala y les dezijiuns didatiches Abilités comunicatives: - ampliamënt dl lessich spezifich profescional - adoranza de de plü tecniches y formes de comunicaziun (gestica, mimica, lingaz verbal, visual, iconich, digital, …) - capazité de cooperé y contraté cun interlocuturs desvalis - adoranza de tecniches y stromënc por na documentaziun efiziënta tl portfolio Capazités de aprendimënt: - adoranza dla autovalutaziun y dla valutaziun di atri (tutor/tutora, coordinadú/coordinadëssa dl practicum, colegs/coleghes y i.i.) por svilupé inant les competënzes personales

Sort de ejam
Al é preodü n colloquium a usc cun la coordinadëssa y le coordinadú dl practicum cun la presentaziun dl portfolio. Le portfolio vëgn scrit te trëi perts granes anfat ti trëi lingac: ladin, talian y todësch. La valutaziun positiva dl practicum diret é propedeutich ala discusciun dl portfolio dal ejam a usc. L’ejam se stlüj jö cun l’atribuziun de na nota finala sora, sintesa dles valutaziuns dles döes esperiënzes fates y documentades tl portfolio y dl resultat dla proa a usc. Tl cajo de na valutaziun negativa de döt le modul, vëgnel tigní cunt de eventuales pertes stlütes jö positivamënter tles sesciuns d’ejam che vëgn do. Tl cajo de na valutaziun negativa dl modul por trëi iadi consecutifs, ne ti él al studënt/ala studënta aladô dl regolamënt di ejams, nia cunzedü da se scrí ite por chësc ejam tles proscimes trëi sescions (art. 6, coma 4 dl regolamënt di ejams de profit).

Criters de valutazion
Por la valutaziun positiva dl practicum mëss dötes chëstes perts ester positives: - practicum indiret (partezipaziun ativa) - practicum diret (esperiënzes fates, feedback dl/a tutor/a, vijita da pert dl coordinadú/dla coordinadëssa dl practicum) - portfolio (documentaziun y reflesciun) - colloquium dl ejam (argomentaziun y coerënza) Al vëgn dé na nota finala sora, sintesa di resultac dles perts descrites dessura. Criteres de valutaziun Interes y partezipaziun al percurs formatif, engajamënt y atejamënt (6 sun 30) - respet dl regolamënt dl practicum - partezipaziun ativa y responsabla tratan le practicum indirect Svilup dla cumpetënzes personales-profescionales (10 sun 30) - capazité da agí profescionalmënter meton tla pratica les competënzes dades dant dal profil profescional - capazitá de azion didatica- pedagogica che promuef l aprendimënt -capazità de elaburazion y atuazion di contignüs Svilup dla cumpetënzes comunicatives (6 sun 30) - tlerëza tla esposiziun y elaboraziun di cuntenuc y coerënza tla argomentaziuns - coretëza ortografica y gramaticala ti lingac ladin, talian y todësch Svilup de n pensier critich (8 sun 30) - capazité de analisa critica, de reflescion y de ntegré teoria y pratica - capazité da costruí y analisé le plann de svilup personal y profescional cun coerënza, cosciënza y en relaziun ales esperiënzes fates y documentades