I sescion

Preiscrizion: 01/03 - 07/05/2024 (anter les 12:00)
Ejams de lingaz (online): 18/03/2024 (iscrizion: 01-10/03/2024) y 17-18-19 y 22-23/04/2024 (iscrizion: 25/03 - 09/04/2024)
Ejam de ladin B2 (tl campus Persenon): 11/04/2024, 16.00 (iscrizion anter 04/04/2024)
Ejam de amiscion: 22/05/2024
Publicazion dles graduatores: anter 28/05/2024
Da paié la pruma rata dles coutes universitares: anter 06/06/2024 (anter les 12:00)
Imatricolazion: 12/07 - 06/08/2024 (anter les 12:00)

II sescion (demé per zitadinis UE)

Preiscrizion: 29/05 - 10/07/2024 (anter les 12:00)
Ejams de lingaz (online): 24-29/06/2024 (iscrizion: 29/05 - 16/06/2024)
Ejam de ladin B2 (tl campus Persenon): 13/06/2024, 16.00 (iscrizion anter 06/06/2024)
Ejam de amiscion: 17/07/2024 
Publicazion dles graduatores: anter 30/07/2024
Da paié la pruma rata dles coutes universitares: anter 06/08/2024 (anter les 12:00)
Imatricolazion: anter 06/08/2024 (anter les 12:00)

Sescion injuntada (demé per zitadinis UE)

La Facolté pó ativé atres sescions de agost y setëmber por spezifics curs de stude, sc'al é posć a desposizion. Deplù informazions sön sescions injuntades a tëmp debit.

Cursc de preparazion y dis de informazion per chi che met man da studié

Cursc de lingaz intensifs: 02-20/09/2024 (da lunesc a vendres, 6 ores al di)
Dis dles Matricoles: 01-02/10/2024

I semester

Lezions: 30/09 - 23/12/2024
Vacanzes: 24/12/2024 - 06/01/2025
Lezions: 07/01 - 25/01/2025
Ejams: 27/01 - 15/02/2025

II semester

Lezions: 03/03 - 17/04/2025
Vacanzes: 18-21/04/2025
Lezions: 22/04 - 14/06/2025
Ejams: 16/06 - 12/07/2025

Sescion d'auton

Ejams: 25/08 – 27/09/2025

Sezion ladina
Zitadins EU y stac parifichés - I sescion: 13, II sescion: 5

Sezion taliana
Zitadins EU y stac parifichés - I sescion: 55, II sescion: 25

Sezion todescia
Zitadins EU y stac parifichés - I sescion: 170, II sescion: 80

Per podei studié tl curs de laurea magistrala a livel unich messeste avei un de chisc recuisic:

• diplom de na scola auta de cinch agn,
• diplom de na scola auta de cater agn integré da n atestat de idoneité dé fora a la fin dl ann integratif,
• diplom de scola auta de cater agn aldó dl art. 8, coma 11 dla lege 19/10/1999, n. 370 (demé per l personal ensegnant che ova n contrat indeterminé tla scolina o tla scola elementara l di che la lege é juda n forza, ai 27/10/1999),
• laurea, anfat dla scola auta che an à fat  (L. n. 910/1969 art. 1),
• titul de stude da foradecà che é reconesciu adaté.

I diploms de scola che an à fat foradecà vegn reconescius sciche ecuivalenc sce l percurs de scola complessif é sté de almanco 12 agn. An mess avei frecuenté almanco i ultims doi agn dl sistem scolastich foradecà  (p.ej. Irish Leaving Certificate: al ne basta nia da avei ma fat un a ann de scola auta tl'Irlanda y spo avei sclut ju con l ejam de stat irlandesc). 

Per n valgugn diploms de scola auta foresć (p.ej. l titul dles High Schools americanes, per n valgugn titui inglesc, o dla Grecia) se damana l Minister recuisic d'azes particolars. Per en savei deplù, poste contaté nost Servisc Consulenza per l stude: apply@unibz.it.

Per podei tó pert ai ejams de amiscion, messeste mostré su i recuisic linguistics dés dant tla sezion "Competenzes linguistiches damanedes".

Aldó dles leges atuales, pón se scrive ite a alplù doi cursc de laurea tl medem temp (i doi cursc ne pó nia ester dla medema classa de laurea y mess se desferenzié per almanco 2/3 dles ativités formatives).

I lingac ofiziai de ensegnament é l todesch, l talian y l ingleis y tla sezion ladina ence l ladin. Al vegn damané chestes competenzes linguistiches per podei se scrive ite ai ejams de amiscion:

Sezion ladina

Livel de entreda (per podei tó pert al ejam de amiscion)
Prum lingaz (talian o todesch): C1
Secont lingaz (talian o todesch): B1
Ladin: B2

o

Prum lingaz (talian o todesch): B2
Secont lingaz (talian o todesch): B2
Ladin: B2

Con l secont semester dl prum ann
Terz lingaz (ingleis): l livel B1 é l recuisit minim per podei sostegnì ejams per ingleis

Livel de sortida (per podei scluje ju i studi)
Prum lingaz (talian o todesch): C1
Secont lingaz (talian o todesch): C1
Ladin: C1
Ingleis: B2

Sezion todescia y sezion taliana

Livel de entreda (per podei tó pert al ejam de amiscion)
Prum lingaz: C1
sezion todescia: todesch
sezion taliana: talian

Secont lingaz: B1 (chi che á l B2 á la priorité)
sezion todescia: talian o ingleis
sezion taliana: todesch o ingleis

Terz lingaz: degun livel

Con l secont semester dl prum ann
Terz lingaz: l livel B1 é l recuisit minim per podei sostegnì ejams te chel lingaz

Livel de sortida (per podei scluje ju i studi)
Prum lingaz: C1
sezion todescia: todesch
sezion taliana: talian

Secont lingaz: C1
sezion todescia: talian o ingleis
sezion taliana: todesch o ingleis

Terz lingaz: B2

Duc i livì é dés dant aldó dl Cheder Europeich de Referiment.

Te messes comprové ties competenzes linguistiches tl portal de preiscrizion (tles sezions “upload dei certificati di lingua” y/o “iscriviti agli esami di lingua”) do che te as scrit fora l formular de preiscrizion tla sezion “crea/gestisci candidature”. Per l prum y l secont lingaz messel ester na zertificazion, per l terz lingaz végnela consieda (sce ala é almanco de livel B1).

• Sce i zertificac o diploms é vegnus dés fora da enc publics taliagn, él da scrive fora les autozertificazions damanedes tl portal de preiscrizion.
• Sce i zertificac o diploms é vegnus dés fora da enc da foradecà, él da i ciarié su diretamenter tl portal dles preiscrizions.

Les competenzes linguistiches pó vegnì comprovedes enscì:

1. l lingaz prinzipal de ensegnament de tia scola tl ann dl ejam de maturité vel sciche C1, sce al é todesch, talian o ingleis. Per les scoles autes ladines: l diplom de maturité vel sciche zertificat de livel B2 sibe per l ladin, l todesch che per l talian. 
2. l diplom de laurea o de laurea magistrala zertificheia l livel C1, sce l stude é vegnù fat per todesch, talian o ingleis. I assolvenc de unibz mess ciarié su i zertificac linguistics che ai à o declaré de avei passé I ejams de lingaz tl Zenter linguistich de unibz (B2, B2+ o C1).
3. n zertificat linguistich reconesciù (ciala la lista di zertificac reconescius dal Zenter linguistich). Sce ala ne jissa nia da ciarié i zertificac, poste ence i mené tres email o sciche PDF o i dé ju de persona tl Zenter linguistich anter l termin de preiscrizion  (ciala sezion “Scadenzes”).
4. Passé l ejam de lingaz dl Zenter linguistich de unibz. An pó se scrive ite online a chisc ejams  (sezion “iscriviti agli esami di lingua”), do che te as scrit fora l formular de preiscrizion tla sezion “crea/gestisci candidature”. I temps te chi che an pó se scrive ite é dés dant tla sezion aposta “Scadenzes”. Sce te metes man la prozedura de preiscrizion te n di olache al ne é nia meso da se scrive ite ai ejams de lingaz, messaraste jì tl portal ciamó n iade ti dis olache al é meso y te scrive ite. Informazions sun la strutura di ejams de lingaz, sun la dorada di ejams y sun les modalités y temps de comunicazion di resultac giàten chiló.

Te pos te scrive ite a ejams de lingaz de chisc livì: B1, B2 y C1, mo demé per un n livel a lingaz (tla medema sescion de ejam poste per ej. te scrive ite a n B2 de todesch y a n B1 de ingleis, ma nia a n B1 y n B2 de todesch).

Per informazions sun l stude te trei lingac ciala ence sun chesta plata.

Scoles da foradecà / Scoles bi- o multilinguales

Sce l diplom de maturité dà ence dant avisa i livì che an à arjont te d'autri lingac (todesch, talian o ingleis) che l lingaz de ensegnament prinzipal, y che chisc livì é dés dant aldó dl Cheder Europeich de Referiment y é vegnus zertifichés per les cater abilités (lieje, scouté su, scrive y rejoné), spo pó chisc livì vegnì reconescius ence per zertifiché l secont o terz lingaz. 

Te chesc cajo ciaria su ciamó n iade ti diplom de maturité tl post "Upload dei certificati di lingua", aldó dl lingaz che te vues zertifiché. Sce n diplom de maturité pó vegnì azeté sciche reconesciment ence dl L2 y/o L3, él l Zenter linguistich che valuteia.

Ejams de ladin B2

I ejams de livel B2 de ladin vegn tegnis:

Preiscric dla pruma sescion (Early Bird):

• 11 auril 2024, 16.00
• Al é da se scrive ite con l formular aposta, anter y nia plu tert di 4 de auril 2024, da mené a biwi@unibz.it

Preiscric dla seconda sescion:

• 13 jugn 2024, 16.00
• Al é da se scrive ite con l formular aposta, anter y nia plu tert di 6 de jugn 2024, da mené a biwi@unibz.it

Program dl ejam:

Tla pert scrita mess i candidac respone per ladin a 6 domandes che se referesc a n test talian o todesch (aldó che ei chir fora). Sce an passa la pert scrita, él ciamó na pert a ousc per ladin, olache al vegn baié de argomenc che taca adum con les ativités profescionales dl candidat.

Dorada dl ejam scrit: 60 menuc
Dorada dl ejam a ousc: ca. 15 menuc

Terz lingaz/Cursc intensifs de setember

Sce te as n zertificat linguistich tl terz lingaz, ciàriel su tl portal de preiscrizion anter i termins prevedus per la preiscrizion. Sce te ne zertificheies nia ties competenzes tl terz lingaz y te vegnes ametù a n curs de stude, messaraste tó pert a n test de relevament de tia competenza linguistica aldó dles modalités che te vegnirà comunichedes. Aldó dl resultat dl test te vegniràl dé indicazions sun l percurs per rové tl temp plu curt y tla maniera plu efizienta al livel B2.

Sce te ne as ciamó degunes competenzes tl terz lingaz o sce te as n livel plu bas che B2, podaraste tó pert de setember a n curs de lingaz intensif che dura 3 edemes, per podei enscì scomencé ti percurs de aprendiment.

Les dates di cursc intensifs é dedes dant tla sezion aposta "Scadenzes". I livì de basa (A1) vegn pités demé tratant i cursc de lingaz intensifs de setember. Plu tert tratant l ann academich ne végni nia plu pités. Chi che ne à degunes competenzes tla L3 mess perchel mete man si percurs de aprendiment de setember.

Al vegn organisé cursc estensifs (4 ores al'edema) tratant l semester y cursc intensifs (8 ores al'edema) ti temps olache al ne é degunes lezions.

I cursc de lingaz dl Zenter linguistich de unibz é debant y à l obietif da te fé arjonje, tl terz lingaz:

• l livel B1 anter l prum ann de stude
• l livel B2 anter l secont semester dl secont ann de stude

Te pos fé la preiscrizion demé online tres l portal de preiscrizion. I termins é dés dant  tla sezion aposta “Scadenzes”.

• Fà n account y ciaria su tia cherta de identité o ti passaport valent (dant/via dedò). Met averda: sce te ciaries su n document che ne vel nia plu, che ne é nia complet o che ala ne và nia da lieje, vegneste sclut fora da la prozedura;
• Scriv fora l formular online y ciaria su i documenc damanés tla sezion "Prozedura per la selezion";
• Sce te as sclut ju la scola auta foradecà, ciaria su l diplom de maturité. Sce te ne as nia ciamó dé ju l ejam de maturité, messeste ciarié su l diplom canche te te imatricoleies;
• Completeia l formular y meina demez la domanda de preiscrizion anter l termin dé dant. N iade che te la as meneda demez, ne jaràla nia plu da mudé la domanda. Les preiscrizions scrites fora, ma nia manedes demez sciche al toca, ne vegn nia toutes en conscidrazion.

Met averda: les declarazions nia veires vegnirà sanzionedes a livel penal y à sciche conseguenza l'esclujion da la graduatora de amiscion!

Zitadins UE y parifichés

Te una na sescion de preiscrizion poste te preiscrive a deplù cursc de laurea desvalifs. Sce te vegnes sclut fora tla I sescion poste ciamó n iade te candidé tla II sescion.

Sciche "parifichés" vegn aratés:

1. I zitadins de chisc Stac: Norvegia, Islanda, Liechtenstein, Svizera, San Marino y Santa Sede (Vatican)
2. I zitadins nia-UE che sojorneia regolarmenter tla Talia (per un di motifs dés dant tl art. 39, coma 5 dl decret legislatif 25.07.1998, n. 286: autorisazion de sojornanza per laour, per motifs familiars, per asil politich o umanitar, per motifs religiousc). Te chest cajo él da dé ju la domanda diretamenter a l'université desche descrit dessoura, enjontan na copia dla autorisazion de sojornanza valenta. Na autorisazion de sojornanza per motifs de stude o n visum per motifs turistics ne basta nia. Sce la autorisazion é tomeda, él da enjonté ence la domanda de renovament. Met averda: sce te ne ciaries nia su tl portal de preiscrizion l'autorisazion de sojornanza, vegniraste automaticamenter araté n zitadin nia-UE con residenza foradecà y perchel sotmetù a la prozedura de amiscion aposta tres les Reprejentanzes dla Talia te tie Stat de provenienza.

Al ne é nia posć de stude per zitadins nia-EU che à la residenza foradecà.

La prozedura de amiscion é partida ite te does pertes:

1. na pert scrita, y
2. na pert a ousc.

Tla pert scrita (che dura endut 150 menuc) él da respone a 60 domandes multiple-choice che reverda:

• la competenza linguistica y l pensé logich (30 domandes),
• l savei leterar, storich-sozial y geografich (15 domandes),
• l savei matematich-scientifich (15 domandes).

Do che te as responù a les domandes, te végnel damané da scrive n test argomentatif pian via da na domanda che é formuleda te na maniera da podei verifiché ties aspirazions profescionales. Tla pert a ousc végnel fat referiment a chest test y l test enstes vegn cialé ju y valuté dal pont de veduda de sia coreteza linguistica y dl livel linguistich-argomentatif che al desmostra.

La pert a ousc à sciche obietif chel de verifiché plu avisa les competenzes personales y soziales (ester bogn da laoré te n grup, da comuniché, da presenté y da argomenté). Ala dura alplù 30 menuc.

Per podei tó pert al ejam de amiscion messeste ester a post con i recuisic linguistics.

Deplù informazions sun la prozedura de amiscion y sun i ponc suplementars che te giates per les competenzes linguistiches documentedes é contegnudes tla delibera dla Provinzia Autonoma de Bulsan che vegn fora vigni ann y che vegn publicheda sun la plata internet dl curs de laurea. Per i ponc suplementars per les competenzes linguistiches documentedes végnel tegnì cont sibe di zertificac che l Zenter Linguistich de unibz reconesc sibe di ejams che l Zenter Linguistich enstes pieta, tant inant che ai à l livel damané.

La Facolté met a desposizion materiai per se enjigné ca al ejam de amiscion.

L ejam de amiscion vegn fat tl lingaz dla sezion chirida fora. I candidac dla sezion ladina fej na pert dl ejam per talian, na pert per todesch y na pert per ladin.

Graduatores
Per vigni sezion végnel fat na graduatora.

La comiscion valuteia demé la documentazion che é vegnuda ciarieda su sun l portal de preiscrizion anter l termin dé dant.

Les graduatores dles sezions dl curs de laurea (Sezion todescia, taliana y ladina) ne pó nia vegnì integredes con d'autri candidac (per ej. de d'autres sezions). Sce al é manco candidac che à passé l ejam che posć a desposizion, ne végnel nia tout su candidac che ne à nia passé l ejam. L curs peia via con l numer de studenc sun graduatora. Al ne vegn nience tout su plu studenc che posć de stude.

Les graduatores vegn publichedes chiló y vel demé per l ann academich per cheles che l ejam é vegnù fat.

Sce te es vegnù tout su tla graduatora de deplù cursc de laurea, poste te confermé l post de stude per alplù doi cursc, ma te messes paié ite la rata dles coutes universitares doi iadi. N iade che te as confermé ti post (o: ti doi posć) de stude, renunzieieste automaticamenter a duc i autri cursc dla medema classa de laurea a chi che te as fat la preiscrizion, y te perdes ence l dert da vegnì reintegré tles graduatores de chi cursc.

1. Tl portal de preiscrizion él da chirì fora l curs de stude y da fé l paiament (per confermé l post de stude).

I termins é dés dant tla sezion aposta "Scadenzes".

Sce te ne tegnes nia ite l termin de paiament, perdeste ti post de stude, che ti và a la persona do da te tla graduatora.

Demé per i zitadins UE y i parifichés: sce al ne vegn nia dé via duc i posć tla pruma sescion, végni enjontés pro chi dla seconda sescion.

Met averda: canche te paies ite la pruma rata, ne este nia ciamó scrit ite deplen. Chel este permó canche te te as imatricolé. Canche te as n iade paié ite la rata per te assiguré n post de stude, ne aste nia plu l dert da giaté zeruch chisc scioldi, sce te ne fejes nia plu la imatricolazion. La couta te vegn demé paieda zeruch sce te ne passes nia l ejam de maturité o sce te es n zitadin nia-EU con la residenza foradecà y te ne giates nia da pert dla Reprejentanza taliana de ti Stat de residenza i papiers che và de bojegn per te scrive ite. 

2. Tl portal de preiscrizion él da fé la imatricolazion online.

I termins é dés dant tla sezion aposta "Scadenzes".

I te consion da te imatricolé pernant che ala và, enscì aste plu temp da ciarié su documenc che manciassa anter l termin dé dant.

Sce te ne tegnes nia ite l termin per la imatricolazion, perdeste ti post de stude, che ti và a la persona do da te tla graduatora.

Sce te as fat n ejam de maturité en Austria o en Germania, o te as fat l European Baccalaureate, te messes ciarié su tl portal l diplom final.

Sce te as fat n ejam de maturité forest te n Paisc dla Convenzion de Lisboa (stlüt fora Austria y Germania) o n Diploma of the International Baccalaureate te messes ciarié su tl portal chisc documenc: 

• diplom de maturité
• traduzion ofiziala dl diplom de maturité per talian (la traduzion na và nia debojegn sce l diplom é scrit per todesch o ingleis)
• Statement of Correspondence dl diplom de maturité dé fora dal ARDI (Automatic Recognition Database – Italia)

Sce te as fat n ejam de maturité forest te n Paisc che ne fej nia pert dla Convenzion de Lisboa te messes ciarié su tl portal chisc documenc: 

• diplom de maturité
• traduzion ofiziala dl diplom de maturité per talian (la traduzion na và nia debojegn sce l diplom é scrit per todesch o ingleis)
• Statement of Comparability and Verification dl diplom de maturité dé fora dal "Centro di Informazione sulla Mobilità e le Equivalenze Accademiche italiano" (CIMEA)

unibz controlëia to diplom de maturité y se resservé le dërt de damané d'atri documënc en caje de dübe.

Met averda: Sce te ne as nia i titui damanés per l'iscrizion, podaraste vegnì sclut fora con n decret dl Retour ence do che te as bele fat la imatricolazion.

Sce te es n zitadin nia-EU con la residenza foradecà:

Sce te es resulté adaté da tó pert a la prozedura de selezion y sce te as ence fat la preiscrizion sun l portal Universitaly, saràl la Reprejentanza taliana te ti Stat de provenienza che te relascia l visum de entreda per motifs de stude/universitars: enscì podaraste vegnì tla Talia y tó pert al ejam de conescenza dl lingaz talian (per i cursc de laurea de trei agn) y te imatricolé tl curs de stude per chel che te as fat la preiscrizion, n iade che te as passé l ejam de amiscion.

L ejam per l lingaz talian, prevedù per duc i scric ite ai cursc de laurea de trei agn, vegnirà fat ai prums de setember tl campus de Bulsan. La per a ousc dl ejam pó ence vegnì fata online.

aldó dla lege, messeste damané anter 8 dis che te es rové tla Talia l'autorisazion de sojornanza. Pernant che te es tla Talia, messeste contaté l Servisc Consulenza per l stude che te darà les informazions che và debojegn per fé pié via la prozedura. 

N iade che te as giaté l'autorisazion de sojornanza, messeste la dé ju tl original o la mené tres email al Secretariat studenc.

Sce te vues te trasferì da n'autra université taliana a unibz, messeste dé ju tl Secretariat studenc, al scomenciament dl ann academich, na copia dla domanda de trasferiment che te as dé ju te tia université de provenienza.

Les coutes de iscrizion munta su a 1373 €.

• Pruma rata (773 €): tol ite la couta provinziala per l dert al stude de 173 € y la marca da bol de 16 €.
• Seconda rata (600 €): méssen paié anter i 31 de merz de l'ann do.

Sce an paia ite massa tert la seconda rata, él da paié n strauf. Sce te ne es nia a post con l paiament dles coutes universitares, ne poste nia dé ju ejams, ma nience baraté te n'autra université o baraté curs de stude.

Sce te lasces da studié o sce te végnes sclut fora dal stude (a gauja de na infrazion, p.ej. sbordené pro n ejam), spo ne te végnel nia paié zeruch les coutes.

Chestes categories de persones ne à nia bria da paié les coutes universitares (y nience la couta provinziala per l dert al stude):

• Les persones con na dejabilité reconesciuda aldó dl art. 3, coma 1, dla lege n. 104/1992, o con na invalidité dl 66% o deplù (al scomenciament dl ann academich él da dé ju n zertificat aposta dé fora da la autorité sanitara).
• Les persones da foradecà che giata n stipendium dl govern talian.

Les persones che giata n stipendium dla Provinzia Autonoma de Bulsan à l dert da giaté zeruch per chel ann academich les coutes universitares. 

I credic formatifs de d'autri studi universitars pó vegnì reconescius, n iade che an é scric ite a unibz, sce ai ti corespogn tl contegnù a ejams che ence unibz pieta. La domanda de reconesciment pó vegnì deda ju, n iade che an é scric ite a unibz, tl Secretariat de Facolté. 

La Facolté organiseia encontedes aposta per cialé ju y valuté te na maniera preliminara sce ala và da reconesce ejams fac te d'autres universités. Per en savei deplù: talian o todesch.