Themen der Lehrveranstaltung
- Cuntenuc de basa dla zoologia, dla botanica y dl’ecologia, liams y relazions danter i ciamps - Flora y fauna dla Elpes (dantaldut tieres vertebrei, lëns y ciofs) - Manieres per mparé alalergia - Ecosistems de nosc raions - Defendura dla natura y dl ambient te nosc raions - Mené y mëter a jì escurscions - Manieres de nseniamënt dla scienzes natureles per la scola primera

Unterrichtsform
Referac dl duzënt, ejëmpli y eserzizies pratics, doi escurscions de dut l danmesdì

Bildungsziele
La studëntes y i studënc che à fat chësc curs… … ie boni de pruieté y svilupé n’educazion scientifica per la scola primera tla rujeneda ladina; … sà nëut y cunësc elemënc de basa dla didatica dla scienzes natureles y co i mëter n droa tla pratica; … cunësc la sortes plu mpurtantes dla flora y fauna dla Elpes tla rujeneda ladina; … cunësc cunzec de basa dla scienzes natureles y paroles tecniches tla rujeneda ladina; … ie boni de planifiché a na maniera concreta ëures de nsenianënt tl ciamp dla scienzes natureles; … spiega te na maniera scëmpla aspec dl mond dla scienza y i fenomens dla natura; … sà co mëter a jì y se astilé ntan escurscions; … mpera fajan nrescides y cunësc l valor dl nseniamënt alalergia; … svilupea material scolastich per l nseniamënt de scienzes natureles. Cunescënzes y ntënder - Cunëscer elemënc de basa dla didatica dla scienzes natureles tla scola primera y dla flora, fauna y ecologia - Cunëscer la sortes di tieres y dla plantes - Savëi nëut dla relazions y di liams tla natura - Cunëscer paroles y cunzec tla rujeneda ladina Mëter n droa la cunescënzes - Realisé uniteies didatiches sun i ecosistems, la flora y fauna y l’educazion ambientela te y ora de scola - Udëi l’escurscions y la lueges per mparé alalergia coche puscibltà per ti jì permez ala scienzes natureles Valuté - Pensé do te na maniera critica sun i cuntenuc che vën nseniei tla scola primera - Valuté la mpurtanza dla defendura dla natura y dl ambient - Analisé i materiai didatics Comunicazion - Vester boni de dé inant cunzec scientifics a na maniera che la mutans y i mutons ntënde - Spieghé i liams y la relazions tla natura y tl’ecologia - Savëi co se astilé te ciun cuntest y co adurvé la rujeneda ladina per comuniché Strategies per mparé - Svilupé la cumpetënzes tla didatica dla scienzes - Mparé la drëta paroles ladines per jì plu sot tla materia - Mparé a usservé avisa la natura alalergia, cialé, sentì y scuté su - Se nteressé per scuviertes scientifiches nueves

Art der Prüfung
Ejam scrit ala fin dl curs.

Bewertungskriterien
Ejam scrit sun i argumënc tratei ntan l curs y recunëscer sortes de tieres y plantes. Lauré pea ntan la escurscion.