Argomenti dell'insegnamento
Ciara i singui modui dl curs

Modalità di insegnamento
Insegnamënt frontal y laborators

Obiettivi formativi
I studënc - ará conescënzes y competënzes didatiches aprofondides ti seturs dl'educaziun artistica y dl'educaziun musicala; - ai sá da se manifesté verbalmënter y nia verbalmënter en relaziun a contignüs estetics y da ponsé sura les formes de espresciun corespognëntes; - ai sá da realisé afermaziuns, idees, dejiders y conzeziuns cun mesi creatifs y musicai y da ponsé sura sön les formes de realisaziun corespognëntes; - ai impara da svilupé idees por proiec estetics y da les planifiché aladô; - impara da planifiché, mëte da jí y ponsé sura les ativités didatiches orientades al'estetica, en particolar ales unités didatiches. Resultac dl imparé aspetá y competënzes: Conescënza y capazité de comprenjiun I studënc - á na conescënza aprofondida di conzec de basa dl'educaziun artistica y musicala y dla didatica dl laur pedagogich musical y artistich y dl'educaziun estetica a livel de scora primara, en particolar dla scora elementara; - conësc i liví, les dimenjiuns, les formes, i jëni y i contesc desvalis dla creaziun musicala y artistica y i parametri che reverda chësc tl ciamp dla comunicaziun visiva y musicala. Aplicaziun dl savëi y comprenjiun I studënc é bogn da - analisé operes de musiga, ert visiva y operes por mituns, les analisé didaticamënter y les apliché a n laur didatich spezifich; - ai é bogn da sistematisé y ponsé sura sües esperiënzes musicales y artistiches y da les traslaté te programaziun didatica, atuaziun y valutaziun, dantadöt por la scora elementara; - ai é bogn da adoré tecniches desvalies, sides tradizionales co ince inovatives, por svilupé sües capazités de esecuziun y chëres di mituns. Capazité de iudize I studënc - desmostra la capazité da ponsé sura les disciplines fora tl contest dl'educaziun estetica, che se manifestëia te n iudize independënt; - ai é bogn da valuté la coerënza, la rigorosité metodologicay la prezijiun de conzec didatics; - sá da valuté la cualité y le potenzial di dessëgns y dles operes artistiches y musicales di mituns te na manira adatada al'eté, aladô de parametri y criters. Comunicaziun I studënc - é bogn da ascuté sö, capí deplü punc de odüda y defëne tl medemo tëmp so punt de odüda fondé; - ai é bogn da comuniché te y cun deplü sistems de simboi y da sostigní idees por la rapresentaziun y le design Strategies d'aprendimënt I studënc - é bogn da ti trasmëte ai mituns orientamënc che ti pormët da porté a bun fin n compit de design; ai é bogn da iustifiché y valuté chësc resultat te na manira ponsada sura; - Adora le mudamënt di sistems de simboi, formac, tecniches y jëni por ejaminé criticamënter les convenziuns estetiches.

Modalità d'esame
Ejam oral tolon in conscideraziun I laurs y les unites didatiches arjignades ca dai studënc y les studëntes intratan le semester.

Criteri di valutazione
Criters de valutaziun é: - Respostes dërtes ales domandes - Argomentaziun logica - Referimënt ala leteratöra - Capazité da analisé y de reflesciun - Adoranza de n lingaz tecnich aproprié - Prejentaziun de n’unité didatica cun dötes les pertes tratades tratan les leziuns Tl caje de na valutaziun negative dl curs, gnará les perts dl curs che é gnüdes valutades positivamënter acreditades pro le proscim ejam. Te chësc caje gnarál cumpedé la valutaziun negativa tl numer di tentatifs de ejam. Aladô dl regolamënt de ejam, sce al vëgn sostigní l'ejam por trëi iadi zënza le passé, éson blocá por I proscims trëi termins. (Ciara ince l'art. 6, paragraf 4 dl regolamënt de ejam en forza).